ياام دعاء اهدي ليك...
3 مشترك
gelas :: الفئة الثانية :: المنتدى الاعلامي :: واحة الشعر
صفحة 1 من اصل 1
ياام دعاء اهدي ليك...
حتى الطيف رحل وخلاني ما طيّب لي خاطر
أما النوم أبى وجافاني وأصبح داجّي ساهر
قليل يا طيف أقيف وأرجاني وين فايتني عابر
شن حارس وراك أنا تاني ياني معاك مسافر
لا لا تقول لي كدي استناني أمشي وأجيك باكر
يبقى أنا ما ألم فيك تاني مين عارف المصاير
هاك اسمع رنين ألحاني وأبقى معاي سامر
خفف لي قليل أحزاني ياما أنا عشت صابر
شوف كيفن يسوي زماني ديمة علي جاير
آه مر العذاب وراني سهمو في قلبي غاير
شوف الليلة كيف بستاني دا الكان باشّي ناضر
من حر السموم بيعاني طيرو يفر يهاجر
جفّ يبس صبح صناني لافح حرو كافر
عدمان الضليل سواني مجنون قالوا شاعر
كل ما تمر تعدي ثواني منو اسراب تغادر
رحلوا الفيهو صر وحداني نازل ومرة سادر
أحوم أرجع أصد لبكاني مقطوع راسي حاير
وين أحبابي وين خلاني آه يا الله قادر
ما عارف العلي تراني فوق كرعي ساير
وأسكت أسوي في أوزاني أشعار مالا آخر
وإت ياطيف عليك أحزاني ليّ شوية كابر
عشان خاطر قليبي عشاني لحظات بس تخاطر
رد: ياام دعاء اهدي ليك...
جد ابدعت ده الغنا ولا بلاش
نهى عثمان- مشرف
- عدد المساهمات : 892
تاريخ التسجيل : 17/06/2009
الموقع : الخرطوم _الصحافه
رد: ياام دعاء اهدي ليك...
مشكور على الهدية الراقية وربنا يقدرني على ردها
أميرة عثمان خوجلي- مشرف
- عدد المساهمات : 1138
تاريخ التسجيل : 29/06/2009
الموقع : المملكة العربية السعودية-الرياض
رد: ياام دعاء اهدي ليك...
طلتك براه بالدنيا ياام دعاءأميرة عثمان خوجلي كتب:مشكور على الهدية الراقية وربنا يقدرني على ردها
مواضيع مماثلة
» احذري يا أم دعاء
» من أجمل القصص....حلاق :الله غير موجود
» دعاء اليوم
» نكتة جعلية
» دعاء أبكى الشيطان
» من أجمل القصص....حلاق :الله غير موجود
» دعاء اليوم
» نكتة جعلية
» دعاء أبكى الشيطان
gelas :: الفئة الثانية :: المنتدى الاعلامي :: واحة الشعر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى