وطنا الهلال

عمر عبدالحليم كتب:الله على الوطن الهلال
الله علي الوطن الهلال يا أزرق الـموج الهدير
يا قيمة العشق الحـلال في كل بيت حبك كبـير
الناس بتتـنفس هـلال تمشيك فى المشوار مسير
الله على الوطن الهلال
انت الهلال قمة ومقـام يا مارد افريقيا المـخيف
الكورة تـتــكلم كـلام عن اى لاعب فيك حريف
معزوفـة الفن يا سـلام بين المـرابط والـرديف
الله على الوطن الهلال
الكوتش فى التكتيك خبير نظم خطوط كـل الفريق
خط الدفاع صـنديد قـدير والمرمى بالحارس يضيق
خط الهجوم سرعة وخطـير خط الوسط للفوز طـريق
الله على الوطن الهلال
جمهورك المشتـاق شـديد طوالى فى الملعب معـاك
الهجمة قامـت مـن بعـيد مـلعـوبه فاتت اى بـاك
والقون بـكون اروع نشـيد بين الـمساطب والشـباك
الله على الوطن الهلال
فى دورة الابـطال قـديـم كل الأفـارقة بـيعرفوك
انت الهـلال انت الـزعـيم الفيفا والكـاف صـنفوك
يا عـزة الوطـن العـظـيم و الكاس عليك تاج الملوك
الله على الوطن الهلال

الاخ عمر تحياتي باللون الاحمر

(سيد البلد ) انهزم من العريق حي العرب

بالمناسبة حي العرب هو صاحب الشعار الازرق والابيض هو العريق

انا مافاهم في الكورة ولكن بالصدفة تابعت جزء من المباراة

اخى صلاح بوب انت مخطى الهلال هو صاحب الشعار الازرق و الابيض و هو الفريق العريق كفايه انو جاب كاسين لدوريين مختلفين فى موسم و احد