من البرصة سلام

ودالبرصة الأحد فبراير 07, 2010 10:19 pm

النهار حره .. والنمتي قطعنا .. قلنا نطلع لا فوق ..
يوميا اساسق الي جزيرة جلاس .. باقي عندنا شوية ويكة وبرسيم هناك ..
فترنا من المساسقة من البرصة الي جلاس وبالعكس ..
قلنا نطلع لافوق نشوف لينا فنجان جبنة ولا كباية شربات نبل ريقنا النشف من القراعة
يا ربي بي نلقا لينا كباية جبنة ولا من فوق حمارتنا نواصل علي البرصة ؟؟
ياناس جلاس انا سايق في جزيرتكم وما تكرمونا ..
عفو .. دا كلام شنو ؟؟
انا الحالة دي قلتا لي ناس البيت ما ترسلو لي الفطور بطلع علي اهنا ناس جلاس بلقالي لقمة معهم ..
يا اخوانا انا واقف في الشارع .. نخش ولا نتوكل ؟؟

حبابك الف ود البرصة ابقى داخل.قراصتنا حارة من صاجا معاها ويكتا دافي. مد إدك.
بعد داك هناك الزير فيهو مهيتا باااااااااااااااااااااااااااااااردي تروي عطشك.وكان على الشربات العرديب مبلول راجي المصفى.والعنقريب تحت الشجرة إرتاح وقيل.
ما ياكا ولدنا ولد البرصة وجلاس.
مرحب بيك حبابك في بكانك بين أخوانك وأخواتك

**نهى عثمان** الإثنين فبراير 08, 2010 5:30 am

اتفضل

من البرصة سلام W6w200504230800262cbf9974

ودالبرصة الإثنين فبراير 08, 2010 8:17 pm

أميرة عثمان خوجلي كتب:حبابك الف ود البرصة ابقى داخل.قراصتنا حارة من صاجا معاها ويكتا دافي. مد إدك.
بعد داك هناك الزير فيهو مهيتا باااااااااااااااااااااااااااااااردي تروي عطشك.وكان على الشربات العرديب مبلول راجي المصفى.والعنقريب تحت الشجرة إرتاح وقيل.
ما ياكا ولدنا ولد البرصة وجلاس.
مرحب بيك حبابك في بكانك بين أخوانك وأخواتك

[color=darkblue]ياها المحرية فيكم ..
تاني علي البرصة ما مقبل الا ليلا متأخر خالص ..
علي الاقل نوفر حق الفطور والجبنة ..

شكرا لترحيبكم الذي يدل علي معدنكم الاصلي [/color]

ودالبرصة الإثنين فبراير 08, 2010 8:19 pm

نهى عثمان كتب:
اتفضل

اتفضل وين يا نهي ؟؟
الجبنة فاضية !!!
بعدين لا سكراية ولا بلحاية ..
يشربوها كيف ؟؟

مسيخة الجبنة لكن انتو طاعمين .. ودا يكفي ..

**الشاطرابي** الثلاثاء فبراير 09, 2010 4:41 am

الف مرحبتين حبابك
واليوم السعيد الليلي جابك

**alshatrabi** الأربعاء فبراير 10, 2010 11:00 pm

ياعزالدين الحق صاحبك قبل علي الجماعه عزومات ساكت تاني مابرجع البرصه من البرصة سلام Tongue

ودالبرصة الخميس فبراير 11, 2010 1:25 am

alshatrabi كتب:ياعزالدين الحق صاحبك قبل علي الجماعه عزومات ساكت تاني مابرجع البرصه

مرحب اخونا خالد ..
في شنو ؟؟ مالك ؟؟ داير شنو ؟؟
كرهتونا منتدي البرصة كل يوم عازمكم غداء وفي الطازج كمان ... شايلين بطونكم وحايمين ..
انا داير اكون نفسي واعمل لي عيال .. اباري في عز الدين لا متين ؟؟ خلاص اعلنت افلاسي وكلم معاك عز الدين .. داير اخد لي تكية بي جاية .. عندي فدانين صيفي داير اصلحن واجهزن لحدي الموسم ما يبدأ .. وبعدين فترتة من المساسقة من البرصة لي جلاس .. ناس جلاس دين كان استضافوني معاهم فوق ما مشكلة واذا رفضوا بسوس لي راكوبة من عيدان الطرفي داك واقيل فيها .. انتو اطلعوا منها ..
اصلو الواحد ما يدس منكم ؟؟ دا شنو الناس اللواييق ديل ؟؟

**alshatrabi** الخميس فبراير 11, 2010 2:24 am

اعمل ليك دكان هنا ونشوف ليك واحده من بنات جلاس نعرسه ليك ونرتاح منك والله
من البرصة سلام 13054_1266857232166_1251850081_30773966_82190_n

من البرصة سلام

من البرصة سلام

رد: من البرصة سلام

رد: من البرصة سلام

رد: من البرصة سلام

رد: من البرصة سلام

رد: من البرصة سلام

رد: من البرصة سلام

رد: من البرصة سلام

رد: من البرصة سلام