اضحك مع الحناكيش

نكات الحناكيش كتيرة وانا اخترتا ليكم ديل انشاء الله تعجبكم

حنكوشه بتتونس مع صاحبتا قالت ليها ماشفتي هيثم اخوي ماجاتو حساسيه
سفرناهو القاهرة مانفع سفرناهو لندن مانفع سفرناهواي مكان مانفع
قمنا جينا راجعين بيهو السودان قمت ليك زرزرتو زرزرتو وتاني قمت زرزرتو زرزرتو
قام اعترف لي
اتصوري طلع مصاحب ليهو واحد من امبده
***********************************
في شباب بتكلموا عن الشجاعة الحنكوش عمل مداخلة وقال ليهم :
انا كنت ماشي مع حنان اختي وعادل حبيب حنان اختي لاقتنا غنماية
ولا عملت لينا حاجة
***********************************
حنكوشة اول مره تشوف التيس.. ..قالت:ياي حمادة اخوي شوف خطيب الغنمايه
***********************************
حنكوش ابوه اداهو ستمية الف قال ليه امشي اشتري خروف الحنكوش مشي السوق جيب خروف ضعيف ابوه عاين للخروف زعلان قال ليهو ده خروف شنو الجبتو ده عاين ليه ضعيف كيف .
الحنكوش قال ليه : بابا عاين لي عيونو سمحات كيف
***********************************
في اولاد حناكيش مشو رحلة ومعاهم خروف وكل واحد متكل علي التاني عشان يضبح الخروف. ما لقو زول رسلوا واحد منهم لجماعة قريبين منهم قال ليهم: عاوزين سفاح يضبح لينا الخروف
***********************************
حنكوش رسلوا استاذ تاريخ البيت وقال ليهو جيب لينا أقدم حاجة في بيتكم مشي جاب حبوبتو
***********************************
حنكوشين عاوزين يدربوا كارتية اول درس كان كسر البسكويت واحد مسكا والتاني ضربا بيدوا وبكي
سالوهو مالك ياهاني ؟
قال ليهم رامي غشاني خلاني اضرب البسكويت المحشي
***********************************
حنكوش امو رسلتو البقالة عشان يجيب ليها كمون اسود
بتاع البقالة قال ليه مافى
قال ولا اى لون تانى انشاء الله بمبي
***********************************
حنكوشة مشت الجامعة أول يوم لمان جات نهاية اليوم غالبا تكلم زول خالص قامت امها قالت ليها يا شوشو مالك قالت ليها يا مامي عندي لوز قالت ليها انا مش قلت ليك الأيسكريم بتاع الجامعة حيضرك قالت ليها ما أكلت اسكريم لكن المحاضر اسمو يعقوب قمنا رددنا اسمو كتييييير
***********************************

هاهاهاهاهاهاحلووووووووووووووووة
وبالمناسبة تذكرت الحنكوشة القالوليها بتعرفي(العتود)؟ قامت قاتليهم وبكل براءة هو قال بعرفني؟!
والحنكوش المشي يشتري خروف وقالوليه اها اختار قام قاليهم عايز الخروف اللونه بيجي ده!!
وفي ناس كتيرين في السعودية عايزليهم سفاحين عشان يذبحوا ليهم خروف العيد بس في منهم الماحناكيش وذلك تقيداً بنظام البلد زي مابتعرفي ممنوع الذبح الا في المسلخ

هاااااااااااااااااااااااااااااااااااااااااااااااااهااااااااااااااااااااااااااااااااااااا روعه