غلطان البسيب النيل

غلطان البسيب النيل



غلطان البسيب النيل

ارض مخضره
كلها خير..
يتغرب ويتعذب
يضوق المره
والدردير..
يكوس رزقاً
شحيّح وضنين
يفتشّو في صحاري
الغير..
ورضو هناك
دايراهو
تبسم ليهو
تضحك ليهو
وتمد أيديها
كلها خير..
خيره وفير..
يشبع من تقاها
الطير..
حلات النيل..
شٌفع فوقو قاعدي
تعوم
حلات "كبروسة"
تطفح في وشيش الزير
حلات بلدي
وحلات الفيها
عيشتو امير..
تجيهو العازة
شايلي الزاد
سم اسم الله
دخل ايدك آخيري
ياك الخير
هو وارثك
من جدود الخير
حلات القعدة تبقي
مهاهو في التنقير ..
حلات نخلاتو
يسجع فوق
جريده الطير ..
تآنس فيهو
يضحكوا زين
حلات بلدي
وحلات الفيها
كلها خير

ياسلام عليك ياراائعه