جواب للبلد
+2
alshatrabi
هبة ابنعوف
6 مشترك
gelas :: الفئة الثانية :: المنتدى الاعلامي :: واحة الشعر
صفحة 1 من اصل 1
جواب للبلد
هذه قصيده للشاعر الكبير التجاني حاج موسى كم هى جميلة ورائعة أمل ان تنال حظها لديكم
جواب للبلد
ضل الضحى الرامى وشمس شتويه دفايه
وريحة البن لما يفوح فى قلايه
وفروة جدى صورة جدى لمن جيت أمد يدى
جدى أدينى تعريفه
بتقرا الحمدو يا المبروك
بقراها شان تعريفه ألقاها
بجود فى القرايه كمان
وايه يا يمه والله زمان!!
وسبحة ( بنت الفكى
والطورية والواسوق
وسعف حبوبة والكوريه والحنقوق
وصوت ( سعدية ) بت جيرانا
تشحد ليها فى طايوق
وصوت ( عرفه ) لما تخمج الدلوكه غنايه
وحبة فريك لموه لى رمضان
مصرور فى مخلايه
صور محفورة جوايا ومن يوم داك
ولى الليلة ولى بكرة وبعد باكر
شان الزمن غدار وما معروف
زمن مكار .. زمانا كلو خوف فى خوف
وايه يا يمه والله زمان
مشتاق يمه لى ملاح النعيميه
وريحة صاجك المحروق ولما تسوى طعمية
وغباشة روب وعنزه حلوب
بدور ارجع اجيكى هناك ضاقت بيه يا يمه هنا
بدور لتمسى بعيونك واصابحك يا حبيبتى انا
صباح الخير على عيونك
اتارى الدنيا من دونك شينة ومره ما بتندار
ومرة مرارة يا يمه دي مرة وحارى زى النار
ولو بتدورى احكيلك كيف احوالى فى البندر
من وين عايزه ابدالك مو شيتا غريب وعجيب
ده شيتا كلو شين فى شين
هنا الزول العديل ونصيح وحاتك انت يا غاليه
بعيش حياتو يوماتى بى وشين
وزولتى الحتى حبيتها لقيتها براى تحب زولين
وايه يا يمه والله زمان
دي قشة عينى من النوم معاى بشيل هموم باكر
قبل ما اشيل هموم اليوم اختها خطواتى الأولى
اعدى الباب تدق طبول الهم
خواطر تذهل الألباب واقابلك يا شوارع الجن
وفى جوايا حاجة تئن اشد وتر الحزن واعزف
تموت غنواتى يا يمه ويخنقنى الغنا وأنزف
وتنتر فى العروق حمى خيال بيتنا القديم يرجف
صور تنزاح وتتلم وتانى وتالت آيمه
واشوفك بى خيال حالم تشاورى وترقص السبحة
ملامح العابد الصايم تشع فوق جبهتك سمحة
وشييك يحاكى ضى النور مزدان يمه فى الطرحه
وتبسمي لى أمد ايدى اقول اتلاقى يا السمحة
يتلاشى الحلم واصحى ويدفق عرق مالح
ويسكن فينى كل الهم واشم ريحة ندم جارح
وارفس عصفورة منجرحه فارقت الفضاء البارح
وتانى وتالت آيمه وهم كل المداين وهم
وهم غرقانه فى زخم الحضاره الغم
حضارة بتحصد الإنسان وتزرع فى مكانه نغم
وقصد القول .. يا شايل اللوم ويما جابنى للبندر
وحاتك انتى يا الغالية ده يوماً شوم
ولا بسنى الخجل من راسى لى كرعى
شايلو وأحوم وهادي الحالة فى الخرتوم
زي عايش شقى ومهموم
جواب للبلد
ضل الضحى الرامى وشمس شتويه دفايه
وريحة البن لما يفوح فى قلايه
وفروة جدى صورة جدى لمن جيت أمد يدى
جدى أدينى تعريفه
بتقرا الحمدو يا المبروك
بقراها شان تعريفه ألقاها
بجود فى القرايه كمان
وايه يا يمه والله زمان!!
وسبحة ( بنت الفكى
والطورية والواسوق
وسعف حبوبة والكوريه والحنقوق
وصوت ( سعدية ) بت جيرانا
تشحد ليها فى طايوق
وصوت ( عرفه ) لما تخمج الدلوكه غنايه
وحبة فريك لموه لى رمضان
مصرور فى مخلايه
صور محفورة جوايا ومن يوم داك
ولى الليلة ولى بكرة وبعد باكر
شان الزمن غدار وما معروف
زمن مكار .. زمانا كلو خوف فى خوف
وايه يا يمه والله زمان
مشتاق يمه لى ملاح النعيميه
وريحة صاجك المحروق ولما تسوى طعمية
وغباشة روب وعنزه حلوب
بدور ارجع اجيكى هناك ضاقت بيه يا يمه هنا
بدور لتمسى بعيونك واصابحك يا حبيبتى انا
صباح الخير على عيونك
اتارى الدنيا من دونك شينة ومره ما بتندار
ومرة مرارة يا يمه دي مرة وحارى زى النار
ولو بتدورى احكيلك كيف احوالى فى البندر
من وين عايزه ابدالك مو شيتا غريب وعجيب
ده شيتا كلو شين فى شين
هنا الزول العديل ونصيح وحاتك انت يا غاليه
بعيش حياتو يوماتى بى وشين
وزولتى الحتى حبيتها لقيتها براى تحب زولين
وايه يا يمه والله زمان
دي قشة عينى من النوم معاى بشيل هموم باكر
قبل ما اشيل هموم اليوم اختها خطواتى الأولى
اعدى الباب تدق طبول الهم
خواطر تذهل الألباب واقابلك يا شوارع الجن
وفى جوايا حاجة تئن اشد وتر الحزن واعزف
تموت غنواتى يا يمه ويخنقنى الغنا وأنزف
وتنتر فى العروق حمى خيال بيتنا القديم يرجف
صور تنزاح وتتلم وتانى وتالت آيمه
واشوفك بى خيال حالم تشاورى وترقص السبحة
ملامح العابد الصايم تشع فوق جبهتك سمحة
وشييك يحاكى ضى النور مزدان يمه فى الطرحه
وتبسمي لى أمد ايدى اقول اتلاقى يا السمحة
يتلاشى الحلم واصحى ويدفق عرق مالح
ويسكن فينى كل الهم واشم ريحة ندم جارح
وارفس عصفورة منجرحه فارقت الفضاء البارح
وتانى وتالت آيمه وهم كل المداين وهم
وهم غرقانه فى زخم الحضاره الغم
حضارة بتحصد الإنسان وتزرع فى مكانه نغم
وقصد القول .. يا شايل اللوم ويما جابنى للبندر
وحاتك انتى يا الغالية ده يوماً شوم
ولا بسنى الخجل من راسى لى كرعى
شايلو وأحوم وهادي الحالة فى الخرتوم
زي عايش شقى ومهموم
هبة ابنعوف- عضو مميز
- عدد المساهمات : 264
تاريخ التسجيل : 26/07/2009
الموقع : المملكة العربية السعودية
رد: جواب للبلد
عوداً حميداً الأخت الحبيبة هبة والله المنتدى نور وألف حمدالله على السلامة .وبالجد وحشتنا مشاركاتك المميزه.مزيد من الإبداع.
أميرة عثمان خوجلي- مشرف
- عدد المساهمات : 1138
تاريخ التسجيل : 29/06/2009
الموقع : المملكة العربية السعودية-الرياض
رد: جواب للبلد
مشكور على المروراخى الشاطرابى والروعه هى بعض مما عندكمalshatrabi كتب:تسلمي يارااائعة
هبة ابنعوف- عضو مميز
- عدد المساهمات : 264
تاريخ التسجيل : 26/07/2009
الموقع : المملكة العربية السعودية
رد: جواب للبلد
تسلمى ياغاليه والمنتدى منور بوجودكم اما الابداع فهو قطره من فيض ابداعاتك لكى منى الود وجل الاحترامأميرة عثمان خوجلي كتب:عوداً حميداً الأخت الحبيبة هبة والله المنتدى نور وألف حمدالله على السلامة .وبالجد وحشتنا مشاركاتك المميزه.مزيد من الإبداع.
هبة ابنعوف- عضو مميز
- عدد المساهمات : 264
تاريخ التسجيل : 26/07/2009
الموقع : المملكة العربية السعودية
رد: جواب للبلد
نهى عثمان كتب:
هبة ابنعوف- عضو مميز
- عدد المساهمات : 264
تاريخ التسجيل : 26/07/2009
الموقع : المملكة العربية السعودية
رد: جواب للبلد
والله قمة الروعة تسلمي يا غالية
عبد الهلالابي- عضو نشط
- عدد المساهمات : 66
تاريخ التسجيل : 31/10/2009
العمر : 45
الموقع : المدينة المنورة
gelas :: الفئة الثانية :: المنتدى الاعلامي :: واحة الشعر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى