رباطااااااااااااااب

رباطابى ساق ولده كان مفلوق بى حجر لعيادة طبيب الساعة 9 مساء لقى الطبيب
بيقفل فى العيادة قال ليه عليك الله دقيقة يا دكتور شوف لينا الولد ده مفلوق بى حجر.
الطبيب قال ليهو والله أنا معزوم فى عشا ما بقدر أتأخر وكان تجيبو بدرى شوية
الرباطابى قال ليهو : بدرى متين يعنى أجيبو ليك قبل ما يفلقو؟


------------


قاليك أهلنا الرباطاب أوَّل مرة يجيبو ليهم الحاصدة الآلية ( تقطع وتنظف وفي نفس الوقت تنزلو شوال جاهز ما تنقصوا إلا الخياطة )...
طبعاً عينة الحاصدة دي جاتم زي ما قلنا يدخلوها الحواشه في دقايق تلقاها شولات معبأة...
واحد من الجماعة المنظر عجبو شديد (لأنو قبل الحاصدة كانو بيستغرقوا وقت كبير في الحشيش ودرس المحصول والتذرية والنعبئة ))
قال : الشي دي زي بِكا أنصار السُّنَّة : ((ينتهي العزاء بانتهاء مراسم الدفن))

----

واحد رباطابي سأل جماعة راكبين رقشة : دي شغاله ياتو خط؟
مافي زول رد عليه. قال ليهم : دي رقشة ولا مزيره!!

-------

قال ليك رباطابي (لبيس) لابس جلابية بيضاء مكوية وآخر هندمه ونظارات ومركوب جلد نمر......... وعمه كبيييير أكبر من عمه ترباس
جاتو مرأة شايلا جواب قال ليهو: أقرا لي الجواب ده !!
قال ليها: ما بعرف أقرأ.
قالت ليهو: عليك الله بي عمتك دي وما بتعرف تقرأ؟؟؟
زولك شال العمه ولبسا ليها وقال ليها: أهـا أقري إنتـى


------------

قال ليك واحد رباطابى عنده جنازير فارشهم للبيع فى السوق جاء واحد من الحناكيش قال ليه عمو الجنازير دى للبيع ؟؟
رد عليه الرباطاى قال ليه لا لا شارهن
إييبسن ......(يجفوا )....

------------

قال ليك رباطابي أبوهو مات في عز الليل والواطه برد شديد أصبعك ما تقدر تمدو .
أها عندو جارو ما حضر الدفن الرباطابي ( فقدوا في المقابر لكن ما كلم زول) .
** الصباح زولك جا شايل الشاي وداخل (توووووش كبابيهو تكركب) قال ليهم :
كيف أصبحتو ؟؟؟
الرباطابي قالو : أصبحنا عندنا بكا (أدينا الفاتحة)!!

------------
رباطابي عندو تاكسي اتقلب في الشارع والواطة حااارة بقى محتار يعمل شنو عشان يستعدلو..
قام جاهو واحد من الجماعة الجنهم أسئلة قال ليهو :
ياحاج اتقلب واللا شنو؟
الرباطابي قال ليهو : لا .. تكيتو أقعد في ضلو .

-------------

اتنين دناقلة مشو المقابر يزورو قبر ابوهم
بعدين اتغالطو
في القبر واحد يقوليهو ياهو التاني يقول ماياهو
مر بيهم رباطابي
قال ليهم انتو عايزين تدوهو فاتحة ولا قروش

منتهي الروعة وسرعة البديهة التي يتمتع بها اهلنا الرباطاب مشكووووووووووووورياغالي

عوض محمد الخضر كتب:منتهي الروعة وسرعة البديهة التي يتمتع بها اهلنا الرباطاب مشكووووووووووووورياغالي

تسلم ياحبيبنا

جد ضحكتني وخاصة بتاعة
قال ليك رباطابي (لبيس) لابس جلابية بيضاء مكوية وآخر هندمه ونظارات ومركوب جلد نمر......... وعمه كبيييير أكبر من عمه ترباس
جاتو مرأة شايلا جواب قال ليهو: أقرا لي الجواب ده !!
قال ليها: ما بعرف أقرأ.
قالت ليهو: عليك الله بي عمتك دي وما بتعرف تقرأ؟؟؟
زولك شال العمه ولبسا ليها وقال ليها: أهـا أقري إنتـى

أميرة عثمان خوجلي كتب:جد ضحكتني وخاصة بتاعة
قال ليك رباطابي (لبيس) لابس جلابية بيضاء مكوية وآخر هندمه ونظارات ومركوب جلد نمر......... وعمه كبيييير أكبر من عمه ترباس
جاتو مرأة شايلا جواب قال ليهو: أقرا لي الجواب ده !!
قال ليها: ما بعرف أقرأ.
قالت ليهو: عليك الله بي عمتك دي وما بتعرف تقرأ؟؟؟
زولك شال العمه ولبسا ليها وقال ليها: أهـا أقري إنتـى

افرحك الله وتسلمي ياراائعه

والله قمه في الروووووووووووووووووووعه والاجمل
واحد رباطابى عنده جنازير فارشهم للبيع فى السوق جاء واحد من الحناكيش قال ليه عمو الجنازير دى للبيع ؟؟
رد عليه الرباطاى قال ليه لا لا شارهن
إييبسن ......(يجفوا ).... هاااااااااااااااااااااااااااااااااااااااااهااااااااااااااااااااااا والله قطعت مصاريني

[quote="نهى عثمان"]والله قمه في الروووووووووووووووووووعه والاجمل
واحد رباطابى عنده جنازير فارشهم للبيع فى السوق جاء واحد من الحناكيش قال ليه عمو الجنازير دى للبيع ؟؟
رد عليه الرباطاى قال ليه لا لا شارهن
إييبسن ......(يجفوا ).... هاااااااااااااااااااااااااااااااااااااااااهااااااااااااااااااااااا والله قطعت مصاريني
تسلمي ياست الكل