قصيدة فكاهية:غلاء المعيشه

هذه القصيدة للشاعر حسن الدابي كانت تلقى على ألحان المديح وتتحدث عن غلاء المعيشة أيام كان كيلو اللحم بريال وفجأة قفز السعر الى 20 قرش (ريالين)... أما السعوط (التنباك) فقط قام التجار بتقليل كميته حتى أصبح القرش يكفي فقط لسفتين. أما المنتجات المحلية التي كانت تدر الدخل (المنقة والبرتقال) فقد انخفضت أسعارها و ليس هنالك من يرغب في شرائها فصارت غذاء للصبار (المنقة عايشابا الصبار... وفيها الكلاب لقت المجال)


غلاء المعيشة

الليلة هب وبرقو شال
في القبلة تال ناس ود بلال
مولايا ياحي ذو الجلال
مليون من الورق أب جمال
عكس الدهر ما عندو حال
صبحني حافي من النعال
كيلو اللحم الكان ريال
قالولي تاني تجيب ريال
قرش السعوط من بت جمال
من كتحتين تلقاهو زال
قالولي بيع البرتقال
ما لاقي سوق وده ما هو حال
المنقة عايشابا الصبار
وفيها الكلاب لقت المجال
علمت ربي من الريال
والناس يقولوا تراهو عال
بقت السمايي من المحال
وحق المشاط في قيل وقال
البيت كتر فيهو العيال
واقع ورا العتق الغزال

في سمعنا السكر غلا
ومن حالنا يا كافي البلا
تاجرنا دكانو اتملا
والجيب من المليم خلا
صليت على المزملا
عدد الجزالين الخلا

الغالية/هبه