الطمبور صديقنا
4 مشترك
gelas :: الفئة الثانية :: المنتدى الاعلامي :: واحة الشعر
صفحة 1 من اصل 1
الطمبور صديقنا
الطمبور صديقنا
الطمبور صديقنا وعزنا وملجانا
وكتين السنين تفتح بوابة أحزانا
مما قمنا نسمع فيهو لا ملينا لا ملانا
زي إبل الرحيل شايلي السٌقا وعطشانه
أوتارو الحنيني تملِّي عايشي معانا
في الريف والحضر ومحل ما تمشي خطانا
الله لو بشيشي تداعبو إيد فنانة
تتراقص جميع الدنيا بي أركانا
لو قلبك حجر وغنانا شايفو رطانه
أول ما يرن تلقاك طربتا معانا
إحساسك يذوب قامتك تميل طربانه
زي مرّ النسيم وكتين يداعب البانه
الطمبور سماحتو القمرة مالي سمانا
الليل والسكون والرملة كالمرجانه
نتلملم نكون في شلة زاهية الوانا
نضحك ننبسط لما الصباح يلقانا
وفي رواية اخرى معروف من قديم
انو الجمال نسبي وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان رب العباد ربي
خلا قدح حراز دبكر أصيل عربي
ومكسي جلد بقر يلصف تقول دهبي
فوقو تلات عصي واقفات بلا شعبي
وخمسه سلوك سونان موزوني بالنسبي
لو رنت تذوب ترقص جبال كجبي
والبركل يمور يتحول العقبي
ولو ما كت بخاف والناس تشيل كضبي
كنت بقول يرن تنحلا لوكربي
وأنداح الوئام بين الخلق يدبي
والبوسني الجريح يستأمن الصربي
وينشر الفرح من راجا لاوربي
الطمبور صديقنا وعزنا وملجانا
وكتين السنين تفتح بوابة أحزانا
مما قمنا نسمع فيهو لا ملينا لا ملانا
زي إبل الرحيل شايلي السٌقا وعطشانه
أوتارو الحنيني تملِّي عايشي معانا
في الريف والحضر ومحل ما تمشي خطانا
الله لو بشيشي تداعبو إيد فنانة
تتراقص جميع الدنيا بي أركانا
لو قلبك حجر وغنانا شايفو رطانه
أول ما يرن تلقاك طربتا معانا
إحساسك يذوب قامتك تميل طربانه
زي مرّ النسيم وكتين يداعب البانه
الطمبور سماحتو القمرة مالي سمانا
الليل والسكون والرملة كالمرجانه
نتلملم نكون في شلة زاهية الوانا
نضحك ننبسط لما الصباح يلقانا
وفي رواية اخرى معروف من قديم
انو الجمال نسبي وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان رب العباد ربي
خلا قدح حراز دبكر أصيل عربي
ومكسي جلد بقر يلصف تقول دهبي
فوقو تلات عصي واقفات بلا شعبي
وخمسه سلوك سونان موزوني بالنسبي
لو رنت تذوب ترقص جبال كجبي
والبركل يمور يتحول العقبي
ولو ما كت بخاف والناس تشيل كضبي
كنت بقول يرن تنحلا لوكربي
وأنداح الوئام بين الخلق يدبي
والبوسني الجريح يستأمن الصربي
وينشر الفرح من راجا لاوربي
هبة ابنعوف- عضو مميز
- عدد المساهمات : 264
تاريخ التسجيل : 26/07/2009
الموقع : المملكة العربية السعودية
رد: الطمبور صديقنا
وطني قلبك وقبل قلبك ولا غرابه
يلا يا تاريخ اقيف اسمع معاي ابدا الكتابه
طوف بلدنا من البدايه وللنهايه
من شروقه ولا غروبه من شماله ولجنوبه
كل قريه كل مدينه تلقى بلدي على الهدايه
تلقى في اللوح والدوايه
في ترانيم راعي بمزمارو يعزف وحولو سرحات السعايه
يلاا يا تاريخ اقيف اسمع ومعاي ابدا الكتابه
تلقى في الدوبيت وقت يحلى ويشق الليل مع ناس مهوي ليلا فوق ضهر المطايه
يا سماحه بت بلدنا الفي المكاتب وفي المصانع وفي الفصول بهمه شاغلاها القرايه
يلاا يا تاريخ اقيف واسمع معاي وابدا الكتابه
وطني سك سك لابسه مريم وفي اضان كلتوم فدايه
وفي حنان ام مقالدي وليده في اللولايا تقولو ان شاء الله تكبر يا جناي
في كلمة الطيبه كلمة وا شريري وجيت من وين يا جنايه
في حنين اهلي الغبش اهل الدباره واهل الدرايه
ويلا يا تاريخ اقيف واسمع معاي وابدا الكتابه
وطني الطيبه والاخلاق وقيدا للرجال خناق وطني كرم يوشل مي سحابه
ياهو مننا ويانا منو ولا غرابه ولا غرابه
يلاا يا تاريخ اقيف واسمع معاي وابدا الكتابه
يلا يا تاريخ اقيف اسمع معاي ابدا الكتابه
طوف بلدنا من البدايه وللنهايه
من شروقه ولا غروبه من شماله ولجنوبه
كل قريه كل مدينه تلقى بلدي على الهدايه
تلقى في اللوح والدوايه
في ترانيم راعي بمزمارو يعزف وحولو سرحات السعايه
يلاا يا تاريخ اقيف اسمع ومعاي ابدا الكتابه
تلقى في الدوبيت وقت يحلى ويشق الليل مع ناس مهوي ليلا فوق ضهر المطايه
يا سماحه بت بلدنا الفي المكاتب وفي المصانع وفي الفصول بهمه شاغلاها القرايه
يلاا يا تاريخ اقيف واسمع معاي وابدا الكتابه
وطني سك سك لابسه مريم وفي اضان كلتوم فدايه
وفي حنان ام مقالدي وليده في اللولايا تقولو ان شاء الله تكبر يا جناي
في كلمة الطيبه كلمة وا شريري وجيت من وين يا جنايه
في حنين اهلي الغبش اهل الدباره واهل الدرايه
ويلا يا تاريخ اقيف واسمع معاي وابدا الكتابه
وطني الطيبه والاخلاق وقيدا للرجال خناق وطني كرم يوشل مي سحابه
ياهو مننا ويانا منو ولا غرابه ولا غرابه
يلاا يا تاريخ اقيف واسمع معاي وابدا الكتابه
رد: الطمبور صديقنا
لو قلبك حجر وغنانا شايفو رطانه
أول ما يرن تلقاك طربتا معانا
إحساسك يذوب قامتك تميل طربانه
زي مرّ النسيم وكتين يداعب البانه
اي والله صدقتي يا دكتوره
صح لسانك .. أهلنا ديل ما قاعدين يقولوا كلام ساكت
صح لسانك .. أهلنا ديل ما قاعدين يقولوا كلام ساكت
رد: الطمبور صديقنا
بالجد حبيبتي لنغمة الطنبور وقعها الحنين والرنان وله طابع مميز بين الألات .لك مني كل الود
أميرة عثمان خوجلي- مشرف
- عدد المساهمات : 1138
تاريخ التسجيل : 29/06/2009
الموقع : المملكة العربية السعودية-الرياض
gelas :: الفئة الثانية :: المنتدى الاعلامي :: واحة الشعر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى