هل الشوايقه كعبين

اولا وفى البدء داير اقول ليكم حاجه
الموضوع ده دائما بيشغلنى وانا لى قتره ناوى اكتب فيه عشان اشوف رايكم شنو وبمعنى اطرحوه للنقاش
قصدتا اكتب بالدارجى عشان اسمع رايكم وردودكم بالدارجى وبكل حريه وشفافيه
هل الشوايقه ناس كعبين؟
نحنا اصلا ما شوايقه. بديريه لكن محسوبين فى زمرة الشوايقه
المهم هل نحت كعبين؟ واذا كانت الاجابه لا . ليه الناس شانين علينا حمله؟
واذا كانت الاجابه نعم. هل الكعوبيه دى ورثه ولا بتجى مع الجينات ولا الحكايه شنو؟؟؟؟؟؟؟؟؟؟؟؟؟؟؟؟؟
انا غايتو فى رايي الشخصى الاجابه الاولى صااااااااااح
والسؤال البعدها اجابته فى قصة الاول فى المدرسه
كلنا بنتذكر زمان اول الفصل او اولة الفصل الناس بيكرهوهم وبيطلعوا فيهم الاشاعات وبتصل لمرحلة يضربوهم
ودائما الانسان الناجح محارب
والقمه مستهدفه
وانا شايف الحمله الموجهه ضد الشوايقه دي سببها نجاح الشوايقه فى كل المجالات
كلامى ده ما دعوه للعصبيه او الجهويه لا اطلاقا
بس موضوع حبيت اثيره لتدلو كل بدلوه
مع علمى وعلمكم ان لدينا اعضاء ما شوايقه
اصهارنا واصدقائنا ونسابتنا وكل محبى جلاس وناس جلاس
غايتو ده رايي كدى نشوف رايكم................................

أحيك يا عطوف على الجرأة في طرح الموضوع الحساس دا.
على كل لكل إنسان رأيه في الموضوع.بالنسبة لي أنا بقول أنه الأجابة 50% من نعم و50%من لا لييييييييييييييييييييه لأنة الشوايقة زمان غير الشوايقة الآن بمعنى على سبيل المثال الترابط الكان زمان قل. بل في بعض الأحيان إنعدم وبكل صراحة لما أتزكر كمية المناسبات الحلو منها والمر البتقوم بواجبهم الوالدة ؟أستقرب لما يجي الدور علينا ما حا نعمل نصهم ,قول ربعهم لأكون شفافة أكثر.
أتمنى أن نحاول أن نثبت العكس في كل ما يقال عنا بدلاً من الثقة الزائدة ودا مش نقد ولكن تشجيع لنكون دايماً في الصدارة .ولكم كل الود والحب أخوتي وأخواتي في المنتدى شدو معانا الهمة لتغييير الصورة لأنفسنا ثم للمجتمع السوداني.
دمتم أحبتي.

والله قد تكون وجهة نظرك صواب ..أضف الي ذلك حرص أهلنا الشوايقة أكثر من غيرهم في معرفة حقوقهم البنسميها بالدارجي (النجاضة) ياريد هذه الميزة لو يتصف بيها كل السودانيين لكنا أحسن مما عليه الأن والشئ التاني بفكرو في بكرة وانشاءالله بكرة أحلي

مصر يا قنديل على الدبلماسية أنت إشتغلت في الحبل الدبلماسي ولا شنو

انا صراحه ما لاقاني شايقي واتكيفت منو لانو لازم يلدغك من سمو الحمد لله اننا بديريه

يعني سمعتي كلام قنديل وطوالي كبيتي الزوغة

الشوايقه ما كعبين يا دعاء وياننو ما تقولى كده

نحنا مش خلاص إتفقنا اننا بديرية يا خوجلي أحسن ليك تسمع كلام قنديل وتكب الزوغة

ده الكلام يا ايمن
وانا شايف دى الحقيقه
رضيتو ولا لا
ولا شنو يا بروف

انا غايتو باقتنع براى البروف بس