جلاس (شجرة الحاكم )

استعرض الموضوع السابق استعرض الموضوع التالي اذهب الى الأسفل

جلاس (شجرة الحاكم )

مُساهمة  wad3lbob في الثلاثاء مارس 23, 2010 4:24 am

جلاس
جلاس جغرافيا تقع فى الضفة الشرقية قصاد كورتى وتبعد عن كريمى 46 كيلو وهى منطقة زراعية وتعتبر اكبر رقعة زراعية فى منطقة مروى حوالى 1500فدان وفيها 100 ساقية .
قبل حلول الادرة الاهلية كانت جلاس حاضرة البديرية شمال ومقسمة الى خمسة شياخات ( البرصة /البار/ام درق/ جلاس / الاركى) وكان على راسها العمده المرحوم عثمان وقيع الله والشيخ المرحوم الطاهر وقيع الله ناظر البديرية من جلاس وكان مسوؤل عن اربع عموديات (جلاس/ كورى/كورتى/ قنتى)
جلاس يسكنها اهلى العلابيب والكريماب والعونية ووالكرانديس والدفافيس وعرب السلمة وعرب القدنمبلية
من اشهر الشخصيات الطاهر وقيع الله ناظر البديرية وحامل كسوة الشرف من الدرجة التانية عام 1925
الشيخ المرحوم /زين العابدين وقيع الله وده مسمى عليهو ولدى زين العابدين ( zainalzaineen)
وكمان ماننسى جدى ود علبوب الله يرحمه . كل اهل منطقتى عزاز وكرام وخوفا من انى انسى واحد فيهم بقول كل اهالى جلاس يكفكفوا دمعة المحزون ويقسموا اللقمة بيناتن
فى جلاس خلوة خلوة جلاس وموسسها الشيخ عثمان الامين المعروف بودشيخنا
فيها مدرسة ابتدائية وصهريج مياه وفيها مسجد وطاحونة الكرانديس وكانت مقر البوستة والتلفون
من شعراء المنطقة الشيخ عبدالله الشيخ البشير امير شعراء السودان من منطقة امدرق
الشاعراسماعيل حسن الغنى عن التعريف. الاستاذ المرحوم الطاهر الطيب حجر. الاستاذ جعفر محمد عثمان . الدكتور عبدالله على ابراهيم والاستاذ عبدالرحيم عبد الحليم ودالفقير
من الشخصيات ايضا التى ذاع صيتها القابلة المرحومة سعده بت جدى
وعطايا صباح الخير وعبيدالله صباح الخير من السواقين الرواد الاوائل فى المنطقة كان عندهم بصات لنقل الركاب من كريمة الى كل حلال المنطقة .
يقال ان جلاس كلمة نوبية تنطق هكذا جلاسى وهى تعنى شجرة الحاكم .......... والله اعلم
avatar
wad3lbob
عضو
عضو

عدد المساهمات : 32
تاريخ التسجيل : 23/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جلاس (شجرة الحاكم )

مُساهمة  ودعلبوب في الثلاثاء مارس 23, 2010 3:28 pm

مشكووور شديد يا بن عمى على هذه المعلومات القيمه ونضيف عليها من المعالم( سوق السبت والتلاتاء ،والفرم (الطابونه وهى قديمه جدا) ،والمحكمه الريفيه قسم الشرطه ’’والمركزى الصحى ،وكان فيها البسطه، ومدرسه متوسطه للبنات قبل تغير السلم التعليمى ، وذى ماذكرت جلاس فيها اكبر رقعه زراعيه ومن اهم المحاصيل الفول المصرى والقحم طبعا النخيل ما اساسى لانو الارض جزيره والنخيل بطول شديد فيها ويتساقط فى اقل مده وكانت ايضا مشكلة الفيضانات لكن الان الناس اتجهوا للبستنه زراعة المنقه والموز وحققت نجاحات كبيره وايضا زراعه البصل بكميات كبيره وايضا حققت نجاحات مشرقه ؛من اهم المشاكل التى تواجه اهلنا هناك مشاكل الزحف الصحرواى الذى دثر الكتير من البيوت والمعالم . جلاس الطيبه المحبه الاخلاص ناساً يشاركوا الزول هم نفسو وناساً فناجره عدييييييييييل ناساً صباح خير،الاشراقات والصباحات فى جلاس جمليه ، العصارى وجلسات العصارى زاهيه وممتعه ،الليل فى جلاس هادى ويا حبذا اذا كان القمر14 وينعكس الضوء مع الرمله ذى لون الماس، المجالس عامره بالونسه فى الفن الزراعه السياسه وكل امور الحياه
منو المتلى انا كاتلو شوقا يحن لناس فى الغربه يضمها ويبقى معشوقه ،اجمل ايامى حياتى كانت فى جلاس سيظل حبك فينا باقى كل ما مرت الايام زاد ونمى نسقيهو من دمائنا وساسات هذا الحب محفوره غراق جوانا.
ولى ناس جلاس نقول :
والله زولا ماهو منكم انتومقطوع فيهو اى عشم,,,,,, والله زولا ماهو منكم انتو ندمان طول حياتو ندم
ولو اشيل عمرى فى ايدى وباريت البلد من جم ..... اضاحك داك واسالم واشارك كل زول فى هم
احس نفسى ماوفيت جمايلكم ولا قدم ولا اخر

ا
avatar
ودعلبوب

عدد المساهمات : 10
تاريخ التسجيل : 20/03/2010
الموقع : وطنى ولاملى بطنى

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جلاس (شجرة الحاكم )

مُساهمة  أميرة عثمان خوجلي في الثلاثاء مارس 23, 2010 5:41 pm

والله يا أهلي العلابيب شوقتوني أشوف بلدي لأني للأسف ما أتيحت لي الفرصة لزيارة أهلي الحنان في جلاس.مشكورييييييييييييييييييييين على المعلومات الدافئة والحنينة زي حنية أهلي أهل جلاس الطيبين.
تخريمة:
مرة طرح موضوع عن معنى إسم جلاس في المنتدى وكان ردي مع إني ما بعرف المعنى لاكني حاسة إنه glasss بمعنى الزجاج لرقة أهلي الحنان الطيبين زي الزجاج حساس


[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
avatar
أميرة عثمان خوجلي
مشرف

عدد المساهمات : 1138
تاريخ التسجيل : 29/06/2009
الموقع : المملكة العربية السعودية-الرياض

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جلاس (شجرة الحاكم )

مُساهمة  ودعلبوب في الثلاثاء مارس 23, 2010 6:30 pm

[quote="أميرة عثمان خوجلي"]والله يا أهلي العلابيب شوقتوني أشوف بلدي لأني للأسف ما أتيحت لي الفرصة لزيارة أهلي الحنان في جلاس.مشكورييييييييييييييييييييين على المعلومات الدافئة والحنينة زي حنية أهلي أهل جلاس الطيبين.
تخريمة:
مرة طرح موضوع عن معنى إسم جلاس في المنتدى وكان ردي مع إني ما بعرف المعنى لاكني حاسة إنه glasss بمعنى الزجاج لرقة أهلي الحنان الطيبين زي الزجاج حساس


والله اتمنى انو اى زول ماشاف جلاس يشوفا وان شاءالله كل الناس تانى يقضوا اجازاتم هناك واكيد جلاس حاتقابلم بالاحضان
بنفس التخريمه
اسم جلاس فيهو اختلافات كتيره لكن الاقرب ماذكر سابقا (شجرة الحاكم وهى شجره كبيره كانت موجوده هناك يجى يجلس الحاكم فيها)
لكن التسميه بتاعتك مقبوله جدا ورائعه وهم فعلا طييبين وياريت تمشى تشوفى الر قه والحنيه هناك عيان وبيان
avatar
ودعلبوب

عدد المساهمات : 10
تاريخ التسجيل : 20/03/2010
الموقع : وطنى ولاملى بطنى

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جلاس (شجرة الحاكم )

مُساهمة  ??????? في الأربعاء مارس 24, 2010 8:25 am

مشكور على المعلومات القيمة

???????
زائر


الرجوع الى أعلى الصفحة اذهب الى الأسفل

رد: جلاس (شجرة الحاكم )

مُساهمة  أميرة عثمان خوجلي في الأربعاء مارس 24, 2010 9:16 pm

الجلاسي كتب:
مشكور على المعلومات القيمة
أخي الجلاسي نورتنا زيارتك.ياريت تزيدنا نور بتسجيلك.
في إنتظار تشريفك بالتسجيل والمشاركات المميزة.
avatar
أميرة عثمان خوجلي
مشرف

عدد المساهمات : 1138
تاريخ التسجيل : 29/06/2009
الموقع : المملكة العربية السعودية-الرياض

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

مشكور اخى

مُساهمة  عاطف خوجلى في الثلاثاء مارس 30, 2010 10:06 pm

بسم الله الرحمن الرحيم
سعدت جدا وانا اقرا مساهمتك اخى wad3lbobوكنت احس وكاننى هنالك الان فى وصفك لليلها ونهارها ورمالها
اجدت السرد واضفت الى معلوماتنا الكثير
مشكور جدا ولا فض فوك
avatar
عاطف خوجلى
مدير عام
مدير عام

عدد المساهمات : 217
تاريخ التسجيل : 13/06/2009

معاينة صفحة البيانات الشخصي للعضو http://gelas.yoo7.com

الرجوع الى أعلى الصفحة اذهب الى الأسفل

رد: جلاس (شجرة الحاكم )

مُساهمة  نهى عثمان في الخميس أبريل 01, 2010 4:37 am

الله عليك موضوع مميز وعظيم
من زمان ونحن عاوزين نعرف الكتير عن جلاس
بارك الله فيك ولاعدمنا ابداعك
avatar
نهى عثمان
مشرف

عدد المساهمات : 892
تاريخ التسجيل : 17/06/2009
الموقع : الخرطوم _الصحافه

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: جلاس (شجرة الحاكم )

مُساهمة  ود الخليفة في الخميس أبريل 01, 2010 5:20 am

الموضوع مميز جدا اخى ابو زين الزينين

واصل سرد تاريخ وحاضر جلاس

كلنا شوق لمعرفة كل صغيرة وكبيرة عنها

مودتى

ود الخليفة

عدد المساهمات : 1
تاريخ التسجيل : 31/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

جلاس شجرة الحاكم

مُساهمة  صلاح بوب في الثلاثاء أبريل 06, 2010 3:07 pm

مشكوووووووووووووووووووووو يابن الاصول طارق الشيخ حاول تنزيل صور جلاس التي بطرفكم ( عفوا) انت من العلابيب من اين جاء اسم علي بوب ؟
avatar
صلاح بوب
عضو نشط
عضو نشط

عدد المساهمات : 55
تاريخ التسجيل : 29/03/2010
الموقع : السعودية / حفر الباطن

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى